أسئلة الانترفيو المهمة للمحاسب Personal interview of Accountants
عند التقدم لوظيفة محاسب بإحدى الشركات او المنشئات لابد من ان تجرى مقابلة شخصية للمحاسب المتقدم للوظيفة للاطلاع على مدى المامه بمجال المحاسبة والتعرف على مهاراته .فتقوم تلك الشركات والمنشئات بعمل اختبار بسيط للمحاسب الجديد عن طريق القاء بعض الاسئلة عليه ومن ثم التعرف على اذا كان يصلح لتلك الوظيفة ام لا .
 |
| اسئلة الانترفيو للمحاسبين - المحاسب دوت كوم |
ونحن فى هذا الموضوع نوضح لكم بعض النقاط الهامة فى المقابلات الشخصية للمحاسبين الجدد .
فى البداية هناك بعض الملاحظات التى يجب أخذها فى الحسبان مثل :-
المظهر :
يعتبر المظهر من أهم العوامل فى اختيار المتقدمين لللوظيفة حيث ان المنشأة او الشركة يهمها فى المجال الاول مظهر موظيفها والذى يعبر عن الشكل العام الشركة ويعطى انطباعا جيدا لدى عملاء الشركة او المنشأة وبالتالى فإن الشركة عند اختيارها لموظف جديد تضع من ضمن معاييرها المظهر العام لهذ الموظف لذلك عزيزى المحاسب احرص عند تقدمك لوظيفة ما ان تظهر بمظهر جيد وأن ترتدى الملابس الرسمية الكلاسيك مثلا ( بدلة سوداء وقميص أبيض وحذاء كلاسيك ) وابتعد عن الملابس الكاجوال وسوف نضع لكم موضوع قادم ان شاء الله نشرح لكم المظهر المطلوب عند اجراء المقابلة الشخصية .
وبالنسبة للبنات والسيدات ابتعدى عن الملابس زات الالوان الزاهية والمتعددة اختارى الملابس من لون واحد او اثنين على الأكثر اختارى الملابس العملية التى تناسب قوامك وابتعدى عن ملابس الحفلات والسوارية والمكياج يكون قليل قدر المستطاع .
 |
| المظهر المطلوب فى الانترفيو |
 |
| نماذج من ملابس الانترفيو |
الالتزام بالمواعيد :
من اهم العوامل المؤثرة فى اختيار الموظف الجديد بلا شك هو التزامه بالمواعيد فمثلا اذا طلب منك الحضور الساعة الثانية عشر ظهرا فلا يصح ان تذهب اليهم الساعة الواحدة او الساعة الثانية عشر والنصف فتأخرك عن الموعد المحدد يعطى عنك انطباعا بعدم الالتزام . فاحرص على الالتزام بالمواعيد وليس جيدا ايضا ان تذهب الى المقابلة قبل موعدها بساعة مثلا فهذا يعطى انطباعا بأنك ليس منظما لوقتك فقط اذهب فى موعدك المحدد او على اقل تقدير قبل الموعد بربع الساعة
التحدث :
يجب عند تحدثك مع من يجرى لك المقابلة الا تتحدث الا فى المواضيع التى يناقشك فيها ولا تتطرق الا مواضيع جانبيةالثقة بالنفس :
لابد وان تظهر لمن يجرى معك المقابلة الشخصية بأن لديك ثقة بالنفس ولست مهزوزا وذلك بأن تجلس جلسة معتدلة ظهرك على استقامة واحدة يديك تضع يديك على رجليك اى لا تشبكهما فى بعض صوابع يدك مفروده لا تقبض يديك هذا اذا لم يكن امامك منضاد او ترابيزة اما اذا كان امامك ترابيزة ضع يدك عليها , عينيك فى عين من يجرى معك المقابلة أى لا تنظر الى اى شء اخر وانت تحدثه فقط انظر اليه عندما تتحدث معه .
 |
| طريقة الجلوس فى الانترفيو |
الاجابة :
اجاباتك على الاسئلة تكون محدده وفى صلب السؤال ولا تسترسل فى الاجابة الى موضيع اخرى وتكون اجابتك محدده حتى تققل من اخطاءك حيث انه كلما طالت اجاباتك فهناك احتمال للوقوع فى اخطاء .
هذه نبذه بسيطة عن بعض الملاحظات التى يجب اخذها فى الحسبان عند اجراء المقابلة الشخصية للمحاسبين وسنتطرق لها بشئ من التفصيل فى مواضيع قادمه ان شاء الله على موقعكم المفضل المحاسب دوت كوم.
والان نطرح عليكم الجزء الاول من الأسئلة الهامة فى الانترفيو للمحاسبين وسننشر لكم الاجزاء الاخرى تباعا ان شاء الله فتابعونا .
1 - وضح الفرق بين الميزانية والمركز المالي ؟؟؟
ج : المركز المالي : هو قائمة توضح أصول وخصوم المنشأة ... يعني حقوق
والتزامات المنشأة ... يعني ايه اللي للمنشأة وايه اللي عليها ... في أي
يوم في السنة .
يعني في أي يوم نجي نروح عاملين موقف للمنشأة عارفين ايه اللي ليها وايه
اللي عليها ونحطه في صورة قائمة تبقى دي اسمها المركز المالي.
طب ايه هي الميزانية العمومية ؟
هي : مركز مالي .....
ايه مركز مالي ... يعني أصول وخصوم المنشأة ... حقوق والتزمات المنشأة
طب ايه الفرق ؟ الفرق ان الميزانية العمومية هي مركز مالي للمنشأة في
نهاية السنة المالية. يعني في نهاية السنة المالية في آخر يوم في
31/12/2006 مثلا بنعرف حقوق والتزامات المنشأة فتبقى اسمها الميزانية
العمومية
-----------------------------
2- اذكر الفرق بين الميزانية والموازنة ؟؟؟
الميزانية العمومية : هي زي ما قلنا عبارة عن قائمة توضح أصول وخصوم
المنشأة ... حقوق والتزمات المنشأة في نهاية السنة المالية وبتكون معها
الحسابات الختامية ( حـ / المتاجرة وحـ/ الأرباح والخسائر ) اللي بيوضحوا
نتيجة نشاط المنشأة من ربح أو خسارة عن الفترة المالية السابقة .
يعني ايه ؟؟! يعني ان الحسابات الختامية هي اللي بتوضح مصروفات السنة اللي
فاتت الفعلية وايرادات السنة اللي فاتت الفعلية لكن الميزانية العمومية
توضح حقوق والتزامات المنشأة في نهاية السنة .
طب ايه هي الموازنة ؟؟؟
الموازنة التقديرية : هي عبارة عن تقدير لايرادات ومصروفات المنشأة للسنة القادمة أو لعدة سنوات قادمة.
----------------------------------------
3- اذكر الفرق بين المصروفات الايرادية والمصروفات الرأسمالية ؟
أولا نحب نعرف ايه هو المصروف :
هو عبارة عن نفقة ( يعني --> فلوس بادفعها ) في سبيل الحصول على ايراد.
يعني بادفع مثلا ايجار للمحل ... ليه ؟ علشان أبيع منه واحصل على الايراد.
بادفع مثلا أجور ومرتبات للعاملين ... ليه ؟ علشان ينتجوا واحصل على الايراد.
يبقى المصروف بادفعه في سبيل الحصول على الايراد.
المصروف الايرادية : هو مصروف يحقق الايراد في نفس السنة المالية .
المصروف الرأسمالي : هو مصروف يحقق الايراد في عدة فترات مالية ويؤدي إلى زيادة الطاقة الانتاجية للمنشأة .
يعني مثلا : مصروف الأجور والمرتبات بتدفع كل شهر عن عمل الموظفين عن
الشهر يعني كل شهر بيأخدو مرتباتهم فيها بيدخلوا للمنشأة ايراد في نفس
الشهر ..... يبقى مصروف الأجور والمرتبات مصروف ايرادي .
ومثلا : م الدعاية والإعلان ... الشركة مثلا عملت حملة اعلانية ضخمة
استفادت بها المنشأة على كذا سنة .. يعني ساعدت على تحقيق الايرادات خلال
عدة سنوات ... يبقى المصروف ده مصروف رأسمالي .
مثال تاني :-
مصروف الصيانة ... عملنا صيانة للآلات والمعدات للمنشأة علشان ترجع تنتج تاني يبقى المصروف ده مصروف إيرادي .
طب لوجينا عملنا صيانة للألات مش علشان ترجع تشتغل تاني بس ولكن تزيد
طاقتها الانتاجية ... يعني بدل ما تنتج مثلا عشر وحدات خليناها تنتج 15
وحدة يعن زودنا كفائتها الانتاجية والزيادة دي مش هتكون في أول سنة بس ؟؟
لا طبعا ... في السنين المتتالية اللي بعديها . يبقى المصروف ده في هذه
الحالة مصروف رأسمالي.
----------------------------------------
4 - ما الفرق بين المخصص والاحتياطي ؟
أولا : نحب نقول لكم على حاجة الأول ...
أي منشأة صاحبها بيعملها علشان يكسب من ورائها أرباح يستفيد بيها ....
وعلشان صاحب المنشأة أو الشركة مش يفضل يسحب فلوس من الشركة لحد ما تتعدى
رأس ماله ... حددنا في المحاسب جزء أو ( حساب بمعنى المحاسبين ) هو ده بس
اللي يسحب منه .... لأن بعد كده هيبدأ يستهلك رأسماله في الشركة ....
وطبعا لو فضل على الحالة دي (( يعني يسحب من رأسماله )) هيفاجأ إن الشركة
مش بتاعته بقت بتاعة الدائنين اللي عاوزين حقوقهم .... وبالتالي هيعلن
افلاسه.
علشان كده قلنا لازم نخلي حساب خاص للأرباح هو بس اللي يتسحب منه الفلوس .
يعني ممكن نعرف الأرباح : على أنها الزيادة في حقوق الملكية لأصحاب المنشأة .
وأيضا ممكن نعرف الخسائر : على أنها النقص في حقوق الملكية لأصحاب المنشأ’ة.
نرجع لموضوعنا ... الفرق بين المخصص والاحتياطي
المخصص والاحتياطي ... الاثنين مبلغ يستقطع من الربح لمواجهة خسارة متوقعة .
واحنا طبعا عارفين مبدأ الحيطة والحذر : اللي هو إنه ينبغي على الشركة تحطاط لكل خسارة متوقعة وتحذر من كل إيراد غير محقق.
الفرق إن المخصص بيتم تكوينه في حالة تحقق ربح أو تحقق خسارة يعني جبري ( فرضته مبادئ ومعايير المحاسبة ).
لكن الاحتياطي لا يتم تكوينة إلا في حالة وجود أرباح فقط وبيكون اختياري على المنشأة ( إلا البنوك وشركات التأمين).
فرق تاني إن المخصص بيكون لمواجهةخسارة حقيقة أو متوقعة بنسبة كبيرة ( مثل مخصص الاهلاك ).
أما الاحتياطي بيكون لمواجهة خسارة متوقعة ولكن احتمال وقوعها ضئيل (مثل
مخصص ارتفاع أسعار الأصول الثابتة ) يعني بيكون لتدعيم المركز المالي.
----------------------------------
5 - ما هو الحساب الذي لا يظهر ضمن ميزان المراجعة ؟
أولا : لازم نعرف الحسابات اللي بتظهر في ميزان المراجعة بتظهر ليه ؟؟!
لأن ميزان المرجعة محصلة وملخص لعمليات سابقة عليه هي مراحل نظام المحاسبة
اللي هي :-
تجميع الأحداث المالي ---------> تسجيل الأحداث المالية في قيود يومية
--------> تبويب الأحداث المالي في حـ/ الأستاذ ------------> تليخص
اعمليات السابقة في ميزان المراجعة
طب ايه هو الحساب أو البند الذي لا يمر بكل هذه المراحل .... ؟؟؟
بضاعة آخر المدة .... لأنها تكون نتيجة جرد وليس نتيجة قيد يومية ، يعني
بيتم جرد البضاعة وتقييمها ثم وضع قيمتها مرة دائن في حـ/ المتاجرة ومرة
مدينة في الميزانية العمومية تحت بند الأصول المتداولة
دى كانت بعض الأسئلة الهامة فى الإنترفيو للمحاسبين
وسننشر لكم الاجزاء الاخرى تباعا على موقعكم المفضل المحاسب دوت كوم
إنتهى.